I don see the thread. But dem give conditions say if your merit no reach 50merits, you no go fit vote. My merit reach 50 but my name no dey for people wey dey eligible to vote. Maybe the 50 merits na people wey get am last year.

---

---

I dey suggest say make everybody  go vote for Nigerian Local Board as the discovery of the year, e go help us flag our Board the more. Our sister SatoPrincess face show, make we support her.

If true true I dey eligible, I go vote sharply.
Your suggestion to use it as FAIL OF THE YEAR instead of discovery of the year make sense.
I go like make our ogas we dey here for years before we come put mouth for this talk. Because, African Proverb in pidgin talk say "Something wey elder sit-down for chair see, pikin go climb coconut tree e no go see am"

Thank you Mpa. I go vote before today go end.

We all know as the country hard crypto na many of the youths live saver. Binance na one of the top exchanges way Nigerians dey use if you check any trader or crypto gee phone you must see binance app but with this recent allegations trending on Twitter. I wonder how e go affect the crypto space and binance role in Africa crypto space. Although I never get the full gist on why the accounts were blocked I dey assume say na negligence on both parties. E fit be kyc issue most likely. Anybody here don experience this issue it see the trend on twitter?

If na oyibo people, dem go say "Please find attached the relevant part of the information herein theretofore." Kai, I sabi grammar 🤪 👇 nor be lie!

---

BTW, I sey make I remind us sey our guy Brainboss follow people wey carry award last year. Him win for "Golden Feather" category. For those wey never enter forum dat time, make una see the award here https://bt.irlbtc.com/view/5277804.0. All of us rallied round am and na im make am win. This year e go nice make we still support am and SatoPrincess. Abeg, make una leave my nomination out. I nor even know wetin my name dey do there sef as e nor supposed show face at all. These two people don prove dem worth here. E go good make we really round dem. Dem sey na for house wey Sister Charity dey always like stay.

I dey surprised to hear say our own cryptopreneurBrainboss win the 2020 awards...a Nigerian win in the midst of other notable names. Nor be small feat, na big thing. I dey see the way this year own dey go and our people nor dey show much interest. All of sudden this thread don dry. Nobody dey talk again. Naija I hail una

The mata based on update wey I get na say na P2P scammers Binance dey target but you sabi how e dey been na, People go just dey claim claim when nothing happen to them. If you read some of the tweets you go understand say na fakes. Onto other notes I believe say Binance no go just target Nigerian carelessly when them know say na there their choppings dey in regards to amount of people wey dey use their exchange our country.

Recently ehh na Binance all work boys dey use cash out and this thing dey worry their reputation so if them begin seized funds wey dem feel say dey linked to scam make we no just blame them although the. supposed give better reasons and valid ones instead of all those rubbish reply I dey see online. Na the relys dey vex me no be even say them lock people out of their funds.

For the voting, abeg just go do your mind, last time due to our collaboration dem begin attack us and ban some accounts. I no wan make anything like dat happen again. Just vote wetin dey your mind. Anyways belike I dun dey active again make we see if I fit pick up from where I stop.

I nor dey the time them don the last award so I nor know wetin sup if them ban users and the condition why them ban them. As brainboss don cap say kasala burst via the matter make everybody shine their eye wella make you nor use your leg go kick stone. E go sweet my belle if we win even if na one category. E go be boost for us as a community.

Yes oh so this time around, no matta wetin una dey dey avoid anything wey go put you for trouble. Posi na one of the people wey been surfer this thing then assuming I dey remember wey. I just hope e dey alright and dey do fine. Also make una no forget say we get African discussion thread for gambling for this our AFCON wey dey go on and other future tournament wey go show face, sadly super eagles no dey game again but na still our own so fir una wey need gambling post make una utilized am welle.

How far dis market now, how una dey see am. You feel we go still go down or you believe we dun dey rebounce. The market just dey confused me. I dey try say make I see how things dey go asin find one or two coin to just hold but market dey fear me. Which project una dey look into like dis make person follow una research see whether 2022 fit stew for my side via investment.