Thank you my brother for understanding this mystery.  E simple to understand but some people no wan understand the game. Make I just update us wetin they happen currently for the country because I dey get first hand information.
1. Buhari want Amaechi to succeed him.
2. Tinubu no wan give up for Amaechi. Tinubu no want Amaechi at all and Tinubu no want him son (Osibanjo) because him feel say PYO betrayed him. If Tinubu change mind now endorse PYO,  na wetin go fit make Amaechi get problem.
3. PDP and Atiku know say na Amaechi be Buhari candidate, so dem dey wait make APC give him ticket, then them go use Wike as running mate to Atiku so that him no go fit support him brother Amaechi.
4. But if APC no give Amaechi ticket, Atiku go use Okowa or Udom as running mate.
5. Jagaban don make him plan B finish to shift go SDP incase APC fvck am up.
6. Northern cabals being the king makers want Atiku or Amaechi as the next president.

There are internal problems in the APC, very soon some of the APC members will start defecting to PDP and this will give PDP the advantage. It’s a shame Peter Obi left PDP, he had a better chance winning in PDP than Labour Party. We know that PDP has been the ruling party for the longest, APC only got powerful when certain persons in PDP left to APC.

My brother, the odds favour dem for everything. Education no be only for book or western education. We get money education, sex education, politics education etc. For politics education, leave am for North. Dem sabi de game pass us by far.
My I shock you now...
During Salah and their Muslim celebrations, all the Northerners no dey travel. Dem go observe am were dem dey. But during elections, na trailer go pack dem go back. If na war dem ready because dem dey their Father land.

But we no dey come home for election, but during Christmas na must say we go come home celebrate. If we wan do pvc we go register for Lagos, when election tension don high we go run back village where we no register and automatically disfranchise ourselves.

All this magumagu wey them don they display so, na how them go take remove better people way them know say fit win because them wan put person wey them fit they control as party. But if them no serious bring better person for the party, PDP fit collect the power from them.

To the extent I understand Nigeria politics reach, Buhari no go fit dey for APC dey work for PDP candidate. Remove that Kind matter for mind. Buhari no be person wey enter power with ease, him suffer well well for different parties before the mega merger wey bring him happen. Dem show the man shegea when him dey CPC no matter say na North o. Buhari understand say average Nigerian dey vex for him and him self no believe sey he will under perform. So to appease Nigerians, he cannot give us another old man again If Buhari wanted a Northern candidate according to you, him for tell Zulum or El Rufai to contest under APC. He cannot hand over power willingly to PDP in the name of Northern Agenda.

My brodas make I tell una d truth ehh, see Northerner's sabi politics pass us wella wella and like this them use all strategies to set confusion amongst East, West and South (PDP) then them balance for ground pass every body like no tomorrow, see remember one thing say East and West e dey hard before power enter our hands, for instance ex. Presido GEJ. Him enter powa as a successor of his chairman ( late presido) based on say him na vice then that was the only chance him get to collect powa from them but as e be so them ginger GEJ (Goodluck E Jonathan) with all threatening here and there, even to the extent them say him na woman say im no get heart na so we do so tayyyy carry powa comot for our hand go back North again. Now them see again say much talk go dey ground again if them take powa this time around, them still play with GEJ intelligency say him go come out as presido to calm people down so that much talk no go dey but them know say e no easy for them to pull am out without convincing him to join APC and na him be pillar for PDP like this and now everywhere don open for attack and to be easily manipulated but believe me Northern sabi all the games them get for mind but their major target na to remove the 001 for PDP and their plans has been achieved.
Bet me GEJ no go ever become president again. Northern wey like powa like say tomorrow no dey.
 After all this calculations na so P. Obi decamped from his party to new party to start afresh so that him go become 001 there to get more backup for the next presidential move.

Omo politics no be person mate oo.
How I wish say any one of us here don dey count on $B we for form our party begin make move to sponsor the next presidential movement make we remove those old people for seat put youth wey brain 🧠 dey hot for Technology to structure we country back set compass for the new generation to come.

4 secondary school, them tell me say we go be the leaders of tomorrow.
Now we weh be leaders tomorrow, tomorrow done reach na our ancestors still dey circulate the power.
Omohhhhh e no sexy 4 9ja, 9ja no be for the weak, politics nah your mate ? Wahala for who no bow for Nigeria ohhh.

No just reason that one oo, leader's of tomorrow forward those people don abort them since early 2000, them already planned how the 9ja go be how them go circulate the powa. Anything you dey see now na just to say make them talk if not things already don underway. As my broda from community I go tell you say make you just focus wetin go give you money remove eye 👀 from FG, SG because them no fit help matta like this.

NEW TOPIC:  Nigeria Local Board Thread Monthly Appraisal

My people, I start this topic for this our thread to help motivate us to dey contribute wela here. E clear for our eyes say we dey hustle make theymos recognize us and give us our own board. Then, no body sabi the criteria we need meet before we get our board. But for sure sure, increase participation na one of the criteria.

First, I wan thank us, we don increase activity for this our thread. When I come here new, e dey be one or two persons dey serious for here. But today, plenty people don join body and plenty new people don show too. I say congratulations.

This topic I go dey drop am here immediately Rikafip drop him monthly update for Meta. This my own na to show us how we perform individually for every month here.
I get 1 merit reward for anybody wey top the list every month.
Make 1 merit no small for our eyes because me no be merit source but I go find wey to reserve that 1 merit every month. Anyhow wey e be, na appreciation and honour. Other senior men here wey like the idea go fit still sponsor the idea based on the merit thing.

I drop March and April own make we see how we take try:

FOR MARCH


Observations

• Charles-Tim dey try wella as na him top for the month of March. Him na man wey sabi post for here even when him campaign no dey count post for local board. I comot cap for you.
• Maestro75 na regular name for our local thread. Him and the like of Wiwo dey always give their best when e come to dey contribute for our local thread here

FOR APRIL


Observations

• Maestro75 post highest for April, you dey do well, keep it up
• CryptopreneurBrainboss don dey consistent for this thread since wey him come back with full force. I hail you sir. Keep trying
• uchegod-21 na person wey don dey consistent for this thread, him no dey top as number 1 but him dey always dey among the top contributors for this thread. Keep up!
• Another observation be say Charles-Tim drop hands well well from last month, I no know wetin sup. But I know say him go pick up again.
• Wiwo also drop hands, I no know weda na him new born pikin cause am   
• Igehhh kuku comot for the list totally. E fit be say na when him dey work on his Services launch. Now wey him don launch, him go come back full.
  N/B: Make we try go comment related things for him thread, atleast praise him small there. Naso these things dey work, e go help keep him for first page, serve as cool review and also increase him view. I dey go do my own now.
• New names like Marykeller and Oluwa-btc face dey show small small, make una put more efforts. Person like Davidvictorson don appear for the list. Keep up!
• Other senior men like BIT-BENDER and Coyster dey try consistently. SatoPrincess dey try but you suppose try pass wetin you dey try now.

Fellow Nigerians make we continue in love and unity, the future dey bright.

---

Thanks to Rikafip for your wonderful thread.

uchegod-21

Belike you dey forget easily say school na scum, no dey believe anything wey dem tell you for school if not, you go just useless. Go school oh but go am with sense, understand say real life no be school life. U dun forget say school tell us say immediately we study get good grades and pass well say we go get better work, how far. Since how many years now graduate dey jobless upadan. Dem tell us say we be leaders of tomorrow when the system dey corrupts wey be say before you even get chances to be the leader, you dun become grandfather too.

Naija na just cruise, go school to learn and get a skill to earn. Now if you understand the way forward you go know say na digital skills be the 411 and now blockchain just add spices to am. Get skills wey relate to blockchain as soon the whole world go need skillful professional from the sector to put them on and better pay go dey involved.