Na true talk be that, but I still dey think we members wey get established account already, also wey dey active here can come up with something. Make we make suggestion as we think ham, me get some suggestions wey dey my mind, but e go make sense if Brainboss dey active for here so he no go miss any information about this suggestions. And people can oppose the suggestions or support, but waiting needed is to make the support or oppose constructive.

Waiting I think be say Brainboss get more power to get Naija attention for here, he go make good sense if merit giveaway dey for people wey dey bring quality topics and posts for this local thread. Although having like two merit source for better, but having one can still go a long way which fit make us progress having more merit source later.

Also, another thing wey I think be sey, many people among us no know the Kind topic wey they wan bring come, we should reiterate how the topic should look like until we all dey acquainted to it for here. Some people no even know sey this thread can contain topic. I remember when I search for something online, it took me to one of the topics I don create here on this local thread before. We should see this local thread as a board, it go help.

Also, I think Naija too dey relax, e go make sense if Brainboss concentrate merit on this local thread for Naija pass meriting there posts on other boards. Like as I see ham before, Brainboss they give merit like 99:1, or even the whole 100% to other threads. I mean for the forum, na 99% merits for Naija, and local thread na 1%. Na another reason people no dey concentrate for here.

For other local board, they get active users because they know say merit dey sure for local board, but not to be abused as only quality posts go worth ham. I think if Brainboss reduce the merit to 70:30 go make sense. Although, na Brainboss go comment about this one o, how it will go, na him go talk am how he go be. Mine na just way I think our local board can be achieved.

De tin be big pass Covid ni, dose doctors bad shiaaa dem no go check well b4 dey talk wetin dem see but tank God 4 his mercy. Doctors fit kill pensi nd i just confirm de tin.

Yes oo, i tank God nd una prayers 2 4 me work, una tank-u plenty. I 4 don join de telegram group but my phone wey i dey use 4 dat was stolen, wen i get anoda i will show face abeg.
Na so em dey be, somtimes de fingers dey pain but just spying hia should be our watch-world as we dey try build our own board. if we go fit make hia busy with topics den we go quick get de heaven we need. At least mak we mak am sey one post or more fit do 4 a week, we tank God sey we are all back again hia.

Am so sorry 4 dat Boss, de tin no be small tin, dey will just dey form sey dem dey ontop of de game until de pensi just collapse, i collapse plenty times b4 dem fit get wat dem need, but tank God am still alive, baba God go heal mumsy IJN Amin. We get doc but dat guy dey smoke wella b4 em even go hospital, imagine if God no dey patient side?, bad result go stew everywhere 4 his patient nd die wit ordinary BP.   

My broda igehhh b calming down small-small, life na je-je. dose pensi fit tell deir reasons is just 4 us to mak dem aware dat Home is still better than third class or second class citizen, dey will undastand. Most of dem na old gay/guy nd dem no wan show sey dem be Naija. Also, remember sey our country too na jagajaga(no b me talk am shiaa ooo) since 2017 till now we neva dey hear gud news pass bad ones; i talk lie? NO SIR.
Mak we form our own country hia becus de one wey we have b like cursed 1 alredy nd some pensi follow join dis cursed. igehhh if u believ we(few) can do it dan looking 4 multitudes dat will bring ethnicity into a peaceful home like dis, una dohhhh!

You pipu don make a good point but no bi merit or kudi alone bi the koko and I think we nid to restrategiest carry everybody along no bi level wey someone go carry idea cum and we go delete ham though the idea may no work but the pesin dey try to make contribution and we go first respect hin opinion b4 we move, i dey say dis thin cus I don see someone wey comot 4 dey telegm group bcus of dis and if dey ran ham like dat it no go carry us go anywhere
Note : I bi busy type, I have 2 boys, a wife and other thin wey I have 2 do everyday so I may not involve in d chat as unah expect but I dey read unah talk telegm and for here

Hope people gather BNB and Una dey chop all these small small airdrops wey dey happen for discord?
Btw, who among us Sabi accelerate bitcoin transactions? Sometimes to spend unnecessarily on gas too expensive.

My pipo my pipo. How dey crypto hustle? We are pushing forward for ds btt board. Very soon everything go align for our good for this forum by getting our own board. Am happy see unah lovely post and comment for this local board. Make we keep it up

Some of una really advance for this matter o. To say una sabi navigate or understand all these things them way still dey confuse person. I know say na time be the matter shah but then, this altcoin thing, how person wan carry dey follow am up ecf because, e no easy to fully dey focus on the altcoin them when Bitcoin way be the coco still dey boom.
Anyhow e dey be, una dey try for the hustle and to dey keep this corner heated up. Omo, this campaign thing no easy kwa o, na really push to dey active and I dey feel am now way be say i don join campaign. Na just how to meet up dey my head.

You correct my broda and dey thing bi say make we also follow some broda wey we know say Nah Naija talk about dis thread make dem join the movement but if we won achieve the local our posts numb never reach any.