lmao, inside bonnet dey hot ooo, you nor go like dey under umbrella, lol.

Our people say , Kolanut & palmwine wey dem go take serve elders for evening, na for morning dem buy am, because you fit nor see am buy later.

Meaning - Make proper preparations always.

Persin nor dey tell anoda persin sey make dem boil water for am sey im wan fall from tree.
Meaning: Accidents aren't planned. Otherwise, people would avoid them.

@Smartvirus, congratulobia bro. E dey sweet my belle die weneva I see una dey grow and rank up like dis. Persin wey work supposed to enjoy d sweat of im labour. Enjoy d moment and kontinue to dey give us positive vibes. Enjoy bro.

No be chaise o my real G. As I see am cef eh, to come online first tire me cef because, the feeling e carry no be play. The Hero doings eh, na just small reputation legendary e carry pass this one I swear. The joy be say, las-las person dey see progress and na una way be my own them dey run am on a steady for we. Like this eh, the naija wise quote don dey do me ogbidi-gbidi-gbidi for belle and I go soon drop am make we corner dey day rich. I tuale for una way sabi and my own person Mpamaegbu, you dey carried.

Omo, I bin dey opportune today to dey one kind meeting with some people via administration work and e con turn out say, e get watin me don identify say e bad, like e nor dey help at all and we dey see the result from watin dey sup. The best excuse way them up with after I complain na say, na the system and even inside the system, people way e go sure for go still burst out. I just weak, na one one of my flow tell me say:

Proverb:
For Pighin: our people say, them nor dey clean dog nose because, e go always dey dirty!
Meaning: there are some things way be say, e don dey so adapted to man way be say, nor how way you wan take change am. Even when e turn out to be, watin no dey favour ram.

Congratulations smartvirus for your new rank e nor easy to reach where you reach. The African proverb family dey celebrate with you. I don pour sapele water for your cup to wish you more and more achievements to come. Na mpamaegbu own I dey wait for next
Proverb: Person way shit for church use bible clean yanch fit forget but the person way clean the shit can never forget
Meaning: When we do some kind stupid things na our family and loved ones dey carry the shame pass

This your proverb don make laugh taya I dey imagine the look for the person face when people for Sunday school go discover say him passages dey miss...wahala.
Baba e don sure for you already. E be like say I see am prophecy I dey believe say e go sure for me too as my people dey go higher and higher

This one strong o. This man cef, you good ghor, too good. As survivers way we be from we naija, we go continue dey grow until e go touch everybody. E get proverb way cap say,

Old man or adult no fit dey for house, then rope way them carry tie goat for neck go choke am, con kill am.
That na to mean say: wrong thing no fit happen when you dey under the watch of person way sabi. The way Mpamaegbu and other men them way face show for the forum don dey try carry everybody along dey very encouraging. Na so the growth dey carry come too because, we dey try dey put our for ourselves make e for better for our one big family. Make una no worry, joy dey come.

E be like the version for this proverb plenty because, e get another one way I sabi too say, the meaning no far from watin the we dey talk for this one although, no be goat them carry talk am shah. The proverb say,

Proverb:
For we Pighin: adult no go dey for market and pikin neck go come bend.
Meaning: e dey relative shah but the main thing be say, adults go always try to make sure say, nothing go wrong under there watch. Once them see say, the matter wan go out of hand, them go sharply correct am.

Still on still, I go like carry this small chance way I get congratulate you my own person. Mpamaegbu, you na big name and now like this, you do  Legendary up, no be chaise. Watin sweet me for body be say, na the same week way me turn Hero na em you Legendary up. That na to say, we dey together and e go touch everybody. Cheers!

Na true say e common o and the interpretation many well well but, one meaning carry say;
Person way no get people, na the grace of God dey carry am along for the life.

Time go always come when e go be like say, your wahala wan swallow you, you go look left and right then, that passage for bible way say, 'from where cometh my help' go enter your mind and at that point, na only God you fit look up to as person way no get anybody. The life no fit swallow you with God by your side.