Uche and Smartvirus, una try. At least after two days. E bi like sey una go consult village people for expo on dis one sha 🙊. Make una two share the spoil. We don wrap that one. Enjoy.

Proverb:no matter how mess silent reach the smell dey always loud
Meaning: you no go fit hide your sins one day them go come out
English: Nothing can be hidden under the sun forever

I no know where una sabi this things from. I don learn some kind things for here where I go take shine for my house.
Proverb: when corruption favor person e go say na connection
Meaning: Human being go only call something bad when e nor dey work for am

Crypto no be anybody mate ooo today na your friend tomorrow e don send you go village. Mimiklinton I welcome you to this lga. He get as we dey arrange our proverb and their meaning for format make everybody fit catch am once. When I first show I dey use English before them correct me to pidgin. When we dey write proverb we dey put am for bold like this

That na the legit via say, them new person for we corner no dey disappoint and the proverb way mimiklinton drop so, e no add am meaning. Maybe e want make we reason am ourselves (but if na so, e suppose cap us) or encef nor even know abi e never sabi our way wella for this place. That one dey shah but anyhow e be, you got still edit am con put meaning or you go just tell us say eeh, na like this you want am. I no know if you grab!

As I don yarn you that one finish @Mimiklinton, I carry kolanut dey say welcome for inside this we corner. Na we-we zey here and the idea na to show say, we get culture and our people carry sense join body even before them oyibo people come jam us. Make we dey promote the legit background way we born on top. Una na dey do well.

Dat na true. But sha nor be every connection dey be through magomago oh.

With dis your proverb, I can confirm sey you be Igbo. Our people nor dey joke with dat proverb, especially when dem wan judge matta for community or elsewhere. Dem go want make d accused chook mouth for the matta and explain them own side of wetin happen.

Na so e bi.

Proverb: you nor go fit run leave your yanch for back  
In English: Because you want to run it doesn’t mean you should leave your buttocks behind
Meaning: You should not  kill yourself because you want to gain something
Disclaimer: this proverb get many meaning una fit talk Wetin una know am to mean

I go contribute to wetin Uchegod don highlight. Igehhh gave a sound warning about plagiarism a day before.
Proverb: our people say when stranger enter new community he nor dey go price chieftancy title
Meaning: when you come to a new place you need to be careful, learn the way of life there before you can blend in

Dat proverb na basically "Ukpala (grasshopper) wey Okpoko (hornbill bird) kill, na deafness kill am. Nor vex sey I dey make correction here. I believe we dey here to learn. Your analysis na just transliteration too whereas e supposed be metaphorically. D meaning dey hidden inside wen you don advise somebodi on several times but dem nor listen and then something bad come happen to dem as dey nor take your advice.

I applaud all contributions here but abeg make una dey use the format wey we dey use here wey be sey the interpretation supposed dey for English. Make una see page 1 to see the format in case anybody don forget.