I just Dey see where person talk of our parents not voting Peter Obi, I no think that’s possible, Peter Obi him self no be youth and our parents has seen what Atiku and Tinubu can do, I Dey always see the election as a personal something everyone get reason to vote for who them want and if anyone even our parents vote against Peter Obi na their own personal decisions, but I call on us all to go into the election unbiased and put our future in mind and always cast the right vote.

For the last presidential election my mama tell me of the suffer them suffer for Buhari government for her time. She say na poverty and hunger reign that period. Her age group and elders know the story because them dey present at the time. Still people for that age group way experience those things still come out to campaign and vote for Buhari because of small bribe them give ‘em.

I don talk am be4 say imagine if all labour union vote, youths like that vote for peter obi, wetin remain wey no be sworing in . Peter Obi sense dey ground and the guy get better record regarding to finance wen him be Anambra chairmo. Make them no rig the election na that one be the major thing becos these two guys wey him dey contest with na killer riggers. Make we dey tell youths to go get PVC and vote for labour party. PDP and APC na same blood dey inside the two.

The way at which my country people dey carry Tinubu and Atiku matter for head dey vex me seriously, Na so dey package Buhari in 2015 for us with "change" as slogan we come vote am not knowing say na sufferness we go enter so, now dey don start packing Tinubu and Atiku again make we fall for another one chance,  APC presidential form na 100 million naira, imagine the number of youths wey that money go empower with 29 aspirants, I beg make everi body get their PVC ready o my own dey intact and make God spare our live till the election time, we must comot those old men by fire by force.

I sure say, I nor follo for dat 50million una dey talk shah. E get mind open mouth dey talk dat kind tin, abi na hw e wan tak depopulate d kontry b dat. Via say, dem go recruit mor pple to run bokoharam matters abi mak I say herdsmen, weaponise dem nd den, wen population don drop, e go count say, we no plenty plus, dem don see dem as employed by govmnt.

Mine why, dat slogan 'change' way dem dey always sing for us nd Nigerians dey put mind, na to tell u say our people stil dey get hope wth govmnt. No be people lik us abi mak I say me, way don giv up on dem. E be lik na revolution ft bring d change we want. With d way dem dey handover for dem selves so, e go hard to get change tru dat process.

O, the thing shock you self. You see the figure weh the man put there. A whole 50 million youths for that matter. The same youths weh them deh kill up and down. The way Tinubu and his friends take handle that #endsars movement, no youths supposed even take about Tinubu at all. But e be like say we love people weh deh oppress us for this country.


My brother, na simple prayer point be that. No be curse na. Since people like suffering, make e happen only for them head. The Buhari own weh we deh no do them. Them see a man weh hand deh shake shake and they say na him go be their president, he could not even hold the flag when it was given to him, may the man rule their businesses and lives na. Na simple matter like that. How people go open their eyes and walk into pit? How? Love of money na him keep us like this for 9ja.

The youths have been underestimated alot in Nigeria, who learn or get courage and confidence from the Endsars matters ? Normally last last everybody go kpia one day, so why we no take that risks ? I no dey talk say any body go die ohhh, but we can do it once more, today nah public holiday, prepare yourself ahead go run am tomorrow, e no go bad!

We need to push the old fool's aside despite their wealth, they have taken alot and it's high time, okay from Tinunbu's speech after winning the primaries election, are you okay with that ? Ask yourself, if them recruit your son dey feed am Cassava and Abgado you go like am ?

PDP? They're just laughable and a loud Vice president who knows nothing about Power, Atiku should kindly go manage the resources he has!

The biggest problem that we face as a country be say many Nigerians they inure to suffering, to the extent say them no care again, if you dash them ordinary 1k naira, them they ready to sell their votes give who them know say na bad candidate, that is the situation wey we they face now, i hope say that kind thing no go they for 2023, you no suppose they suffer they smile, that kind thing no make sense.

Another problem we get na im be say this aristocrats that are sitting on the wealth of this country so ehn, them don sell the idealogy to most of our population say Naija no fit better, that is why it is very normal for you to hear a Nigerian say "let us face reality", abeg which kind nonsense reality we wan face wey we never face for all this suffering wey they beat Nigerians, i hope say 2023, nothing like "make we face reality" go they, the only reality wey i wan they face now na to vote in the best candidate, make all this old men go rest, they have stolen enough funds from us already.

Abeg my people, no allow anybody tell you say Nigeria no fit better, with good leadership we can be better. And if you have decided not to vote, carry for mind say you follow for the problem wey we get for this country.

Walahi, wetin you yarn no be lie. Na one of the biggest fear wey I get so. As eveybodi dey shout "I am OBIdient" upandan nor be say when e reach election day now all those agents go bring a bag of rice and even 500 take collect their votes. My worry na for people wey dey inside those interior villages. Because na for there wey the real rigging dey happen. I don PO work for Bayelsa during their governorship election for 2019. I sabi wetin my eyes see dat day. Aside vote buying, dem fit use intimidation too take make people no vote their choice or no vote at all. 



John Maxwell talk say everything rise and fall on leadership. And that one na true talk. United Arab Emirates (UAE) wey no get anything reach were naija dey don go far because say dem get good leadership. I just believe say this time we go get am right.

Nigerian old leader's be like this leave, e no get small trace of Nutrients from him body, no matter how you water am,he no fit come back to green again, do wen we see stuff's like this wee just need to let the go totally, some people dey weh dey feel say Tinubu go win. E no go dey possible, rather something else go sup. Atiku also, the biggest slap go go too Wike face for underestimating an opponents and revealing too much of them plans. APC and PDP be like Phil Jones and Harry Maguire for Manchester United them need to go!



And also, Des pictures of the past presidents of Nigeria and the United Kingdom Prime Ministers for No ( 10 )ten downing street.
Obasenjo, Goodluck Ebele Jonathan and also our current PMB - Buhari all of them done go done come back successfully, since I see the picture I come dey get small hope, but my question be say enh, why him no shake him hand as others them dey do ? Make ornah shuck mouth for this matters. I mean why Boris Johnson no shake PO ? Abi make I no worry about am ?