link

Abeg make ona no vex say I want move out of politics and other important things we dey happen for Naija. I know say Naija dey boil currently with political wahala and killi killi everywhere. But at least we need to smile small. I just get info say that naija BTC trader Linus Williams aka BLord wey been win EFCC for court just buy one clean motor for him lawyer wife to celebrate and appreciate her. The guy say the woman stand for him back and defend am wela althrough the case with EFCC. Infact BLord say na the woman help am win the case. Make we no forget say EFCC been catch the guy say the guy get him money from wuru wuru. Them seize the guy man cars and properties because them no sabi anything about crypto. Na so the guy carry them go court and him come win EFCC. In fact the court say make them give am everything wey dem collect from am.

Honestly, I get goosebumps as I sit down dey read the matters weh my brother @Zlantan cap. E sweet me, honestly this nah so every woman suppose dey. Thanks for sharing, I tap into the story one day too, I go get person pikin weh go fight for me without looking at the oods. Thanks n I like as you take cap d matters for d unit. U be Man! Be like ANH your first time seff to write for Des our board ohhh.
You're welcome!

It is clear that our problems are far from being solved, after listening to all the aspirants speak yesterday, to thinl that majority of the delegates elected Tinubu to represent APC in the 2023 elections is appalling, not that the margin with which he won was a tight one, it was a landslide victory. It is indeed shameful and Nigeria never ceases to disgrace herself both locally and internationally. Having said that, it is now up to the electorate, for me Peter Obi remains the most credible candidate for next year's election, but my vote is just one out of millions, so i indeed hope millions other would share my ideas too, and elect this man into power for a better Nigeria to come.
Na correct guy you be, it is good as you bring this matter come make we carry eyes see am here, na wetin we they see for Naija be that, police and EFCC go they act without evidence, once them see say life soft for you, them go they vex, they go like collect money from you find one crime put for your head; Zlantann body sweet me well well as this guy take win this case. No matter wetin EFCC wan think, that one concern them, my prayer be say life go soft for every Nigerian user wey they for this forum, na just matter of time we go all relax for one spot like this ehn, they yarn our success story on top better moet and champagne.

I deh tell you o. Zlantan for enter main forum open thread on top this case as na good one weh supposed even make all our oyibo peeps them follow shook mouth for the matter. E go bring you blessings too, you understand wetin I mean. Na correct happy ending be the gist. These our leaders them own don too much for 9ja. Wetin we do them self, weh them no go let us rest for corner or drink water and keep cup. But I for like know the damages weh EFCC pay the guy. There should be punishment for them.

Na so I think am oo because na good vibes. Me for want take am do story but I look am say e go be like say I dey shoot omo iya for leg , na im make me ask @Zlantan to blow the whistle louder for forum. I read where him say him dey cook something about am. My broda such info na as e dey hot oo since na court judgement, you for comot mouth now blow the thing loud, if e cool the vibes go dey die down.


O boy... The result of the selection no give me joy at all. If Tinubu rig himself enter mennn na bigger challenge oo because Tinubu no be Democrat oo, Tinubu dey corrupt like Atiku. Where we dey even go for this country. If Peter Obi no win hmmm I see more problem oo.
Tinubu  just carry money dey give governors make them dey step down and most of the governors and formal speaker (Demeji Bankole) na him boys. Tinubu wey dey comot people and dey put people wey him want for house of rep and senate. Na so him comot Sen. Mamora replace him with his wife Sen.Oluremi Tinubu. Chai wetin Tinubu want really do for there person wey for go rest. See how young men dey step down for old man. Demeji Bankole dey even bow down dey laugh with him teeth wey be like artificial. Chai this country don scatter the more.... Is a pity if Peter Obi no win. Well... I believe if the vote count, youth no go vote Tinubu at least not after the toll gate killing and men go campaign against him.

The thing shame me no be small. E get clip weh them deh circulate since yesterday of how Tinubu hand just deh shake shake as he was trying to turn sheets of papers he was holding. But the money weh these politicians throw no be peanuts o. I hear say Atiku throw delegates $50,000 each. I believe say Tinubu go do something similar. These people don finish us.



Na only revolution or referendum go fit correct Nigeria problems. Our politicians no deh ready to do anything weh go favour the masses. They want to hold us down continuously.

For this concluded APC primary election, I no vex for anybody, na Buhari wey chicken out I dey vex for. Buhari just suffer Nigerians finish still get mind allow Tinubu enter, base on say Tinubu make some statements (though obvious).

Buhari na fear fear man, and him dey indebted to many people way work for him, na one of the reasons him play neutral.
As e don suffer us finish, atleast him for carry ticket give younger person. You no fit cheat nature. Tinubu no fit cheat nature. Him no fit climb podium, him hand de shake. Which kind trouble Nigerian enter so?

Why Buhari no talk early enough say him no go side any body so that men no go waste money buy form. Because if you put all the aspirants together, dem no fit beat Jagaban, na Buhari we dey carry hope. But finally the old man play neutral.  I sorry for my country.

Una too dey underestimate Tinubu na our problem for Nigeria be dat. That cry wey Tinubu cry wey him talk everything wey him do for the party and how buhari carry emerge, people been dey think say him know say him dun lose na him make him dey cry like dat not knowing say my guy get plan. When it comes to politics, apart from the OGs dem wey dun retire na Tinubu be no 1 currently. You know structure that man get for ground. Shey we see how all the aspirant just dey step down for am. That man dun play him card since and the other thing he needed form buhari was not to be disqualified based on age.

Just imagine Rotimi wey from far south get vote pass our star boy (wey wan carry us go Moon) Vice president Yemi-lomapal. That man just dun kill him political career. I doubt if him voice go come out again. When person dum win you, play the smart game. This na politics leave your beliefs and ethics for house. Him for just set down and regroup for next election. Him supposed know say you no fit win Tinubu, una see the margin him use win. I been dey talk am here since. Nigeria politics no be bitcointallk or twitter poll something oh. Sha it's well.

Tinubu na the deadliest active politician in Nigeria now, we know that. If you do APC primary election 30 times, Tinubu go win 30 times and also if you do PDP primary again 30 times, Atiku go win again 30 times.
But, we relied so much on Buhari to intervene because na only him suppose intervene, but the old man disappoint full time. Maybe him done reason say na brothers, make dem settle their scores.

Well, make una ready to welcome Tinubu as una next president, because he will flop Atiku full time. As dem no fit stop him for primary, nobody fit stop him again. Unless na death go visit him.

That man no dey fall election, na him history be that and anybody him support na so. Him sef get structure for North.  2014 during APC first primary election, na Tinubu flop Atiku, carry all the delegates put for Buhari back.

No be only Rocha's get okolo na. Una no see that lying Tunde Bakare weh say na him Buhari go handover to as the No 16 president? And people go still deh go that him church despite all the lies weh him blow for altar. Na so Chris Okotie deh do that time too but e bi like say body don tell that one now. Those people na thieves for pulpit them be, saying wetin God no talk just to satisfy themselves. Anyway make i leave those idiots. Make una see how the results for the primaries take be.

1. Bola Tinubu - 1,271
2. Rotimi Amaechi - 316
3. Yemi Osibanjo - 235
4. Ahmed Lawan - 152
5. Yahaya Bello - 47
6. Dave Umahi - 38
7. Ben Ayade - 37
8. Ahmed Sani - 4
9. Ogbonnaya Onu - 1
10. Emeka Nwajiuba - 1
11. Jack Rich - 0
12. Rochas Okorocha - 0
13. Tunde Bakare - 0
14. Ikeobasi Mokelu 0

Na so I see am for various news centres but una fit read am for here https://leadership.ng/apc-special-convention-final-results/